Dəvətnamə əlavəsi
Masa düzəni
Salonun planını öz əlinizlə qurursunuz: masalar, səhnə, qapı, rəqs meydanı. Qonaqları masalara bölürsünüz, dəyişiklik dərhal görünür, toy günü siyahıları çap edib aparırsınız.
Dəvətnamənin qiymətinə 40,00 ₼ əlavə olunur.
Necə işləyir
Salonu qurursunuz
Neçə masa, hansı formada, neçə nəfərlik · sihirbaz hamısını bir dəfəyə düzür. Sonra masaları, səhnəni, qapını və rəqs meydanını yerinə sürüşdürürsünüz. Yerində qalsın deyə istənilənini kilidləyirsiniz.
Qonaqları əlavə edirsiniz
Əl ilə yazırsınız, siyahı yapışdırırsınız, ya da RSVP cavablarından gətirirsiniz. «Aysel + 3» bir sətirdir və həmişə yan-yana oturur.
Bölgünü aparırsınız
Özünüz sürüşdürürsünüz, ya da avtomatik yerləşdirməyə verirsiniz. Nəticə əvvəlcə önizləmə kimi göstərilir: bəyənməsəniz heç nə yazılmır.
Çap edib salona aparırsınız
Beş ayrı vərəq: sizin nüsxəniz, salon üçün plan, qapı siyahısı, qarşılayanlar üçün vərəqlər və masa kartları.
Nə əldə edirsiniz
- Salonun həqiqi planı: masalar, səhnə, qapı, musiqiçilər, rəqs meydanı
- Qohumluq etiketləri rəng və işarə ilə, gəlin və bəy tərəfi ayrıca
- «Mütləq yanaşı» və «mütləq ayrı» qaydaları
- Avtomatik yerləşdirmədə tutum və «ayrı» qaydaları pozulmur, yerləşməyən qonaq zorla sıxışdırılmır
- Problem paneli: dolu masa, pozulmuş qayda, bölünmüş ailə, oxşar adlar
- Tam jurnal: hər dəyişiklik sonradan geri qaytarıla bilər
- Fərdi link açan qonaq öz masasının nömrəsini dəvətnamədə görür
Nəyi etmir
- Avtomatik yerləşdirmə sabit qaydalarla işləyir, süni intellektlə yox · nəticəni həmişə siz təsdiqləyirsiniz
- «Səhnədən uzaq», «qapıya yaxın» kimi istəkləri hələ nəzərə almır
- Ümumi linki açan qonaq masasını görmür, bunun üçün fərdi qonaq linkləri lazımdır
- Masa nömrəsini qonaqlara göndərmək ayrıca əlavədir
Tez-tez verilən suallar
Qonaqları özüm bölməliyəm, yoxsa proqram bölür?
İkisi də mümkündür. Avtomatik yerləşdirmə bir variant təklif edir, siz baxıb qəbul edir və ya rədd edirsiniz. Rədd etsəniz heç nə dəyişmir.
Səhv etsəm geri qaytara bilərəmmi?
Bəli. Hər əməliyyat jurnalda saxlanılır və sonradan geri qaytarıla bilər, hətta geri qaytarmanın özü də.
Qonaq öz masasını necə tapır?
Ona göndərdiyiniz fərdi linkdə masasının nömrəsi yazılır. Ümumi linkdə bu görünmür.
Çap nə verir?
Beş vərəq: tam plan sizin üçün, salon planı adsız yalnız nömrələrlə, əlifba ilə qapı siyahısı, qarşılayanlar üçün ayrıca vərəqlər və masa kartları. PDF kimi endirilir.
RSVP cavablarını yenidən yazmalıyam?
Xeyr. Gələcəyini təsdiqləyənləri bir düymə ilə masa düzəninə gətirirsiniz.
Digər əlavələr
Kim gələcək?
Qonaq dəvətnamənin içində gələcəyini və neçə nəfər olacağını təsdiqləyir.
WhatsApp bildirişi
Toyun saatını və masa nömrəsini hər qonağa WhatsApp ilə göndərin.
Hədiyyə zərfi
Gələ bilməyən qonaq hədiyyəsini kartınıza göndərir və sizə bildirir.
Qəbzlərin avtomatik yoxlanması
Qonağın yüklədiyi qəbz avtomatik oxunur, şübhəli olanı sizə bildirilir.
Toy büdcəsi
Kimin nə qədər yazdırdığı və bütün xərclər bir yerdə, qalıq özü çıxır.
Qonaq albomu
Masalardakı QR kart: qonaqlar öz şəkillərini yükləyir, hamısı sizdə toplanır.